4 ayaqlı kit

Peruda 4 ayaqlı kit qaldıqları tabıldı. Anıñ monnan 43 million yıl êlek yäşäwe farazlana. Paleontologlar fikerençä, älege tabıldıq kitlarnıñ million yıllar buyınça nindi üzgäreşlärgä duçar buluın açıqlarğa yärdäm itäçäk.

Kitnıñ ayaqları yözüçe qoşlarnıqı şikelle êlpäle häm ber ük waqıtta toyaqlı. Bu anıñ suda yözüen häm cirdä dä yörüen kürsätä.

Fosil Perunıñ Tın okean yarına yaqın Playa Media Luna cirlegendä tabıldı. Tikşerenüçelär äytüençä, täwge kitlarnıñ 50 million yıl êlek Kön’yaq Aziyädä yäşäwläre uylanıla. Bu isä Paqıstan häm Hindstan tışında tabılğan täwge dürt ayaqlı kit bularaq terkälde. Belgeçlär kitlarnıñ Kön’yaq Aziyädän Kön’yaq Amerikağa küçengän buluların farazlıy.