Angliyädä 4 mäçetkä höcüm
Waqıyğa Birmingem şähärendä bula
1168029
Angliyäneñ Birmingen şähärendä 4 mäçetkä tönlä kuvalda belän höcüm ittelär. Poliśiyä yasağan belderügä qarağanda, ber keşeneñ cirle waqıt belän säğat’ tönge 2 tulıp 32 minutta mäçet täräzälären cimerüe turında xäbär kilgän. Yaqınça 42 minuttan soñ başqa mäçetneñ dä şundıyraq höcümgä duçar buluı açıqlana.
Bu xällärdän soñ poliśiyä şähärdäge mäçetlärne qarap çığa. Anıñ waqıtında tağın 2 ğıybadätxänädä cimerü êzläre kürenä.
Tärtip saqçıları höcümnärneñ ber-berse belän bäyle buluına ışana. Alar äytüençä, waqıyğa urınında dälillär cıyılğan häm xäzer qurqınıçsızlıq kamerası küreneşläre tikşerelä.