Äfğanstanda "canlı bomba" höcüme

Äfğanstannıñ Nangarxar töbäge Cälalabad şähärendäge aêroportqa yaqın urında “canlı bomba” höcüme buldı. Anda 17 keşeneñ ğomere özelde, 9ı yaralandı.

Räsmi çığanaqlardan alınğan mäğ’lümatlarğa qarağanda, şartlaw ber tözeleş şirkäteneñ ofisında bulğan. Şunnan soñ qorallı keşelär binağa basıp kerä. 5 saq xezmätkären üterälär. Waqıyğa urınına kiçekmästän iminlek köçläre kiterelä. Alar belän qorallı törkem arasında bäreleş çığa. Anıñ 3 säğat’ däwam itüen belderälär.

Höcüm öçen cawaplılıqnı üz östenä aluçı älegä yuq.