Nemśov istälegenä yöreş

Rusiyä başqalası Mäskäwdä 2015nçe yılda atıp üterelgän êlekkege viśe-prem’yer häm oppoziśioner Boris Nemśov istälegenä yöreş oyıştırıldı. Mennärçä keşe şähär üzägendä cıyılıp säyäsätçe üterelgän küpergä qadär atladı. Yöreştä qatnaşuçılar Nemśovnıñ fotoräsemnäre häm plakatlar kütärgän ide. Alar qullarındağı qanäferlärne oppoziśioner üterelgän urınğa quydı.  

Mäskäw iminlek bülege mäğ’lümatlarına qarağanda, çarada yaqınça 10 meñ keşe qatnaştı.

Sankt-Peterburg şähärendä dä yözlärçä keşe Nemśovnıñ istälegenä yöreştä qatnaştı.

Däwlät başlığı Vladimir Putinğa qarşı çaralarğa teläktäşlek kürsätüe häm oppoziśiyoner bularaq tanılğan Boris Nemśov 2015nçe yılnıñ 27nçe fevralendä Kreml’gä bik yaqın ber cirdä atıp üterelde.

Mäxkämä alege cinayät’tä Çeçnya keşese Zaur Dadayevnı ğayeple dip taptı häm 20 yılğa iregennän mäxrüm itte.