Omar Trampka cawap qaytardı

Amerika Quşma Ştatları Kongressınıñ berençe yawlıqlı möselman ӓğzase İlhan Omar antisemitizm bӓxӓslӓre arqasında üzen wazifasınnan kitӓrgӓ çaqırğan dӓwlӓt başlığı Donal’d Trampqa cawap qaytardı.

Omar Trampka: “Üz tormışıñda hӓrwaqıt yӓhüdlӓr, möselmannar, migrantlar, qara tӓnle keşelӓr hӓm tağın kübesenӓ qarata nӓfrӓt sӓwdӓsen başqardığız. Min süzlӓrem tӓêsir itkӓn keşelӓrdӓn öyrӓndem. Sin qayçan öyrӓnersen?” – dide.

Tramp kiçӓ Aq Yorttağı kabinet cıyılışında soñğı könnӓrdӓ antisemitizm bӓxӓslӓrendӓ maqsat itep alınğan Kongress ӓğzase İlhan Omarnıñ Kogresstan yӓisӓ wazifa baqşarğan komitettan üz telӓge belӓn kitüe zarurlığın citkergӓn ide.

Antisemitizm bӓxӓslӓre AQŞnıñ Minnesota wӓkile, çığışı belӓn Somalidӓn bulğan Demokrat İlhan Omarnıñ sośial’ media xisabında İzrail tarafdarı bulğan Amerikan İzrail xalıq belӓn mönӓsӓbӓtlӓr komitetınıñ İzrailgӓ xuplaw kürsӓtü öçen Amerikan sӓyӓsӓtçelӓrenӓ aqça tülӓwen ӓytüe belӓn başlanğan ide.