"Arakandağı bäreleşlär tağın 2500 keşene küçep kitärgä mäcbür itte”
Bu xaqta BMO süzçese belderde
Berläşkän Millätlär Oyışması ğomum särqätibe süzçese Farxan Xak Arakanda küzätelgän bäreleşlär arqasında yaqınça 2500 keşeneñ başqa cirlärgä küçep kitärgä mäcbür buluın beldergän.
Ul könlek matbuğat brifingında uzğan ay Myanma armiyäse belän Arakan azatlıq armiyäse arasında başlanğan bäreleşlärneñ 2500 keşene küçenergä mäcbür itüen,BMO humanitar koordinaśiya ofisınıñ alarnıñ ixtıyacların qanäğät’länderü öçen töbäkkä yärdäm törkeme cibärüen äytkän.
Berläşkän Millätlär Oyışması mäğ’lümatlarına kürä,2017 nçe yılnıñ 25 nçe avgustınnan soñ Arakannan qaçıp Bangladeşqa sıyınuçılar sanı 720 meñgä citkän.
BMO häm xalıqara keşe xoquqları oyışmaları arakanlı möselmannarğa qarata qırıslıqnı etnik çistartu yäisä genośid bularaq bäyäli.
Myanma xökümäte arakanlı möselmannarnıñ kire qaytuı belän bäyle birgän süzendä dä tormıy.
Keşe xoquqları oyışmaları arakanlı möselmannarnıñ imin şartlar tudırılmıyça torıp Myanmağa qaytularınıñ yaña etnik çistartu kampaniyası barlıqqa kiterüennän qurqa.
