Şveśiyädä mäçetkä höcüm

Şveśiyäneñ Malmö şähärendäge mäçetkä qorallı höcüm buldı. Cirle kanallarnıñ xäbärlärenä qarağanda, waqıyğa Mäxmüt mäçetendä buldı. Qorallı höcümdä ülüçe yäki yaralanuçı yuq. Şähärneñ iminlek idaräse süzçese Anna Göransso beldergänçä, mäçetneñ 3 täräzäse watılğan. Waqıyğa belän bäyle tikşerü başlandı.  

Mäçet räise Kärim Lone: “Tirä-yün’dä yäşäwçelär atu tawışların Yaña yıl qotlawı waqıtındağı feyerwerk dip uylağannar. Mäçetneñ uram yağındağı täräzäläreneñ watılğan buluın kürdek häm poliśiyägä xäbär ittek. Poliśiyä waqıyğa urınında berniçä yädrä taptı,”-dip söyläde.

Lone höcümneñ säbäbe bilgele bulmawın belderde.