AQŞ Süriyädän çığa

AQŞnıñ Süriyädän çığuı DEAŞ belän bäyle. Aq Yort süzçese Sara Sanders ilbaşı Donal’d Trampnıñ DEAŞnı ciñüläre turındağı belderüennän soñ bu mäs’älä belän bäyle açıqlaw yasadı. Anda ul: “5 yıl êlek DEAŞ Yaqın Könçığışta bik köçle ide häm xäzer AQŞ bu törkemne ciñde,”-dide. Sanders älege terrorçı oyışmasın Süriyädä ciñüneñ Dön’yaküläm koaliśiyäneñ tögällänüen añlatmawın äytte. “DEAŞ belän köräşneñ yaña çorına kerü belän AQŞ xärbilären çığara başladı,”-dide süzçe.

Monnan berniçä säğat’ alda AQŞ ilbaşı Donal’d Tramp: “Süriyädä buluıbıznıñ berdänber säbäbe - DEAŞnı ciñdek,”-dide.  Şunnan soñ Aq Yorttan kilgän belderüdä AQŞ xärbiläreneñ Süriyädän kire qayta başalwına basım yasaluı iğ’tibarnı cälep itte.

Pentagon isä ğaskärlärneñ Süriyädän çığuı başlanuın, ämma “cirle urtaqlar” belän êşläwne däwam itäçäklären belderde.

Süriyädäge amerikalı tışqı êşlär ministrlığı xezmätkärläreneñ älege ildän 24 säğat’ êçendä, xärbilärneñ 2-3 ayda kitüe kötelä.

AQŞ 2011nçe yıldan birle watandaşlar suğışı baruçı Süriyägä täwge xärbi berlegen räsmi bularaq 2015nçe yılda cibärgän ide.