Franśiyädä liśey uquçıları

Franśiyäneñ başqalası Parijda liśey uquçıları ilbaşı Êmmanuêl’ Makronnıñ mäğarif säyäsätenä protest yözennän yaña çara oyıştırdı. Hönäri berleklärneñ çaqıruınnan soñ yözlärçä uquçı Dekart uramında cıyıldı. Alar Respublika mäydanına taba yöreş yasap Makronğa qarşı şiğar’lär qıçqırdı.

Çarada qatnaşuçılar, yaqınça 2 atna êlek Mantes Lö Joli şähärendäge demonstraśiyädä poliśiyäneñ tezländerep qulların baş artına quydırtqan uquçılarğa teläktäşlek yözennän, berniqadär waqıt şul räweşle tordı. Şulay uq, Makron häm xökümätneñ mäğarif säyäsätenä qarşı reakśiyälären belderdelär.

Liśey uquçıları yaqınça 2 atna ilneñ törle şähärlärendä rizasızlıq çaralarına çığa.  Ütkän atnada isä Franśiyädä “qara sişämbe” oyıştırıldı.

Çaralar säbäple 450 liśeyda uqu tulısınça yäisä öleşçä tuqtatılıp tordı.

İl külämendäge protest demonstraśiyälärendä kilep çıqqan waqıyğalarda 700dän artıq liśey uquçısı saq astına alındı.