Strassburgta qorallı höcüm
Yaña yıl bazarı yanında 4 keşene atıp üterälär
Franśiyäneñ Strassburg şähärendä qorallı höcümdä 4 keşeneñ ğomere özelde, 11 keşe yaralandı. Cirle matbuğat çaralarında urın alğan xäbärlärgä qarağanda, qalanıñ zur mäydannarınnan berse bulğan Kleberda oyıştırılğan Yaña yıl bazarı yänäşäsendä atu tawışları işetelä. Höcüm itüçeneñ şäxese açıqlanğan, ämma qaçarğa ölgerä. Şähär xakimiyätennän belderülärençä, şöbhälelärne här cirdä êzlilär. Höcümneñ terrorçılıq belän bäyläneşle buluın farazlıylar.
Franśiyädä tuğan 29 yäş’lek höcümçeneñ “Fiş S” bularaq atalğan êzärleklänüçe törkemgä kerüe bilgele. Anı qaçar aldınnan xärbilär yaralıy.
Höcümçe yäşägän öygä kiçä irtän başqa ber waqıyğa belän bäyle basqın yasalğan. Anda küp sanda quldan yasalğan şartlatqıçlar qulğa töşerelgän. Şöbhäle üze binada bulmağan.