Yaña tuğan balalarda xätär çir
Rumıniyädä bäbi tabu yortında ülemçel kizü taraldı
Rumıniya başqalası Buxaresttağı bäbi tabu yortında dön’yağa kilgän 39 balada däwalawğa bireşmi torğan “super bakteriyä” açıqlandı. Xastaxanä 30nçı avgustta waqıtlıça yabıldı. Bäbi tabu yortınıñ süzçese Raluca Aleksandru beldergänçä, antibiotiklarğa çıdam “altın stafilokokk” uzğan ayda açıqlanğan. Xäzer awırtuçı bäbäylärneñ sanı 3 tapqır artuın xäbär itälär.
Kizüneñ niçek başlanuı älegä bilgele tügel. Wäqalätle zatlar xastaxanädä gigiyena şartlarının naçar buluın alğa sörä. Super bakteriyä andağı 11 xezmätkärgä dä yoqqan. Alarnı waqıtlıça êştän yıraqlaştırdılar.
Bäbäylärne Buxaresttağı 3 balalar xastaxanäsenä däwalawğa saldılar. Älegä alar arasında ülem oçrağı küzätelmi.
Älege bakteriyälär, başlıça, tiredä häm borın tişeklärendä simptomnarsız yäşi, ämma kan tamırlarına kergän oçraqta xätär xälgä kilä.
