İzrail ğaskärläre basıp alınğan Yordannıñ könbatış üzänlegendä 16 fälästinlene qulğa alğan.

İzrail’ armiyäse  alarnıñ terror waqıyğalarında qatnaşuların alğa sörgän.

Qulğa alınğan fälästinlelärneñ soraw alu öçen töbäktäge qulğa alu üzägenä cibärelüe belderelä.

Şulay uq İzrail köçläreneñ kiçä kiçen Yordannıñ könbatış üzänlegendä 6 yähüdkä höcüm oyıştırğan fälästinlelärne êzläwe belderelä.

İzrail prem’yer-ministrı Binyamin Netanyaxu bu xaqta “İminlek köçläre ğayeple keşelärne tapqançı operaśiyälären däwam itteräçäk” dip beldergän.

İzrail’ köçläre basıp alınğan Yordannıñ könbatış üzänlege häm Könçığış Qudüstä öylärdä bik yış tentü ütkärep  törle däğ’walar belän fälästinlelärne qulğa ala.

Fälästin räsmi çığanaqlarına kürä ,İzrail törmälärendä yaqınça 6000  fälästinle utıra.

Alarnıñ 270 en balalar täşkil itä.