DEAŞnıñ baş kisüçe komandirı üterelde
Totqınnarnı czalap üterüçe törkemneñ başında bulğan Äbu äl Umaraynnı yuq ittelär
Amerika Quşma Ştatları citäkçelegendä koaliśiyä köçläreneñ Süriyädä oyıştırğan hawa höcümendä DEAŞ terrorçı oyışmasınıñ iñ yuğarı komandirlarınnan sanaluçı Äbu äl Umarayn yuq itelde. Ul 2014nçe yılda totqınnarnı cäzalap ütergän törkemneñ başında ide. Anıñ qulınnan ülüçelär arasında AQŞ watandaşı, 26 yäş’lek yärdäm oyışması xezmätkäre Peter Kassig ta bar. Ul Sürşiyädä suğıştan qaçuçı möhacirlärgä yärdäm itkän waqıtta 2013nçe yılnıñ oktyabrendä DEAŞlılar tarafınnan urlana. 2014nçe yılda terrroçılar anıñ başın kisep üterälär.
DEAŞqa qarşı “Berläşkän urtaq burıç köçe - tabığıy qararlılıq xäräkäte”nnän yasalğan belderüdä Süriyäneñ Badiyä çülendä äl Umaraynnıñ üterelüe raslandı. AQŞnıñ DEAŞ belän köräştä maxsus wäkile Brett Makgrek ta Twitter aşa bu xaqta belderü yasadı. “Koaliśiyä köçläre irtänge säğat’lärdä Süriyäneñ kön’yaq-könçığışında qayber DEAŞ liderlarına hawa höcüme yasadı. Maqsat itep alınuçılar arasında Amerika watandaşı Peter Kassignıñ häm başqa totıqlarnıñ üleme öçen cawaplı Äbu äl Umarayn da bar,”-dip yazdı ul.
