Avstraliyä kişer sarısı tösendä

Avstraliyäneñ kön’yaq-könçığışında täêsirle bulğan tuzan dawılı toraq punktlarda kük yözen kişer sarısı tösenä kertte. Hawanıñ sıyfatında da citdi naçarayu sizelä.  Xäbärlärgä qarağanda, ozınlığı 500 kilometrğa citkän tuzan bolıtınıñ bügen Sidneynı qaplap aluı kötelä.

Avstraliyä meteorologiyä xezmäte monıñ säbäbe itep avgust ayınnan birle xakimlek itüçe qorılıqnı kürsätä. Sälamätlek saqlawçılar hawanıñ bik pıçranaçağın belderä. Alar, bigräk tä, balalar, ölkännär häm sulış yulları problemaları bulğannarnı tışqa çıqmıyça torırğa çaqıra.

Sidneyda tuzan dawılı soñğı tapqır 2009nçı yılda buldı. Ul waqıtta bik küp keşe sulış aluda qıyınlıqlar kiçerde. Küz küreme şulqadär naçar ide ki, oçışlarnı tuqtatırğa mäcbür buldılar.