Qaşıqçı cinayäte turındağı xisap
AQŞ üzäk küzläw oyışması tikşerü näticäsen sişämbe çığaraçaq
1089928
Amerika Quşma Ştatları ilbaşı Donal’d Tramp Soğud Ğaräbstanı jurnalistı Cämal Qaşıqçı cinayäte belän bäyle xisapnıñ 20nçe noyabr’, sişämbe könne äzer bulacağın belderde. Ul Kaliforniyä urmannarındağı yanğınnı sünderü êşçänlegen küzätü öçen Malibuğa kilde häm anda matbuğat xezmätkärläreneñ sorawlarına cawap birde. Tramp Üzäk küzläw oyışmasınıñ Qaşıqçını üterü ämeren täxet prinśı Möxämmät bin Sälman birüe turındağı farazları xaqında söyläde.
“Älegä bernindi näticä çığarılmadı. Monıñ öçen bik irtä. Bu tämamlanmağan xisap,”-dide ul. Tramp aldağı 2 kön êçendä xisapnı tögälläyäçäklären äytte. Ul CİA direktorı Djina Xaspel’ belän oçraşuın söyläde häm üterüneñ qotoçqıç buluın assızıqladı.
