Ğazzädä kiyerenkelek

İzrail xärbi oçqıçları Ğazzäneñ törle urınnarına bombalar yawdıra. Höcümnärdä 4 fälästinle ülde, 8e yaralandı. Bu xaqta Ğazzädäge sälamätlek saqlaw ministrlığı süzçese Äşräf äl-Kudra belderde.

İzrail armiyäsennän yasalğan belderüdä isä Ğazzädän alar tarafına raketa atıluı häm anıñ ber avtobusqa êlägüe äytelä. Höcümnärneñ şunnan soñ başlanuın söylilär. Avtobusqa höcümneñ qaysı qoraldan yasaluı häm zararnıñ niqadär buluı turında mäğ’lümat birelmi. Ğazzädän İzrailgä 80nän artıq raketa atıluın, töbäktä afät sirenaları êşli başlawın belderälär. Ber raketa binağa tiyä. Näticädä 1 keşe ülä, tağın berse awır yaralana.  

İzrail prem’yer-ministrı Bin’yamin Netan’yaxu Ğazzädä artqan kiyerenkelektän soñ Tel-Avivta saqlanu ministrı Avigdor Liberman häm ğomumştab citäkçese Gadi Êisenkot belän oçraştı.