Somalida höcüm

Somali başqalası Mogadişoda kiçä bulğan bombalı höcümdä 53 keşeneñ ğomere özelüen belderälär. İlneñ iminlek xezmätendä êşläwçe Möxämmät Xösäyen äytkänçä, Mogadişoda xökümät wäkilläre yış tuqtala torğan qunaqxanägä ike bombalı texnika belän höcüm itkännär. Poliśiyä üzäge yanındağı maşina quyu urınında da şartlaw bulğan.

Kapitan Xösäyen höcümnärdä älegä qadär 53 keşeneñ ülüen, 100dän artığınıñ yaralanuın xäbär itte.

BMOnıñ ğomum särqatiplegennän höcümnärne ğayeplägän belderü yasaldı. Anda terrorçılıqnıñ här törleseneñ xalıqara solıx häm iminlekkä iñ zur yanaw buluı assızıqlana. Ğayeplelärne xökemgä tapşıru kiräklege assızıqlana.

Älege höcümnärneñ cawaplılığın Äş-Şäbab terrorçı oyışması üz östenä aldı.