Qoyaşqa iñ nıq yaqınayğan cisem
NASAnıñ Parker mäğ’lümat tuplaw iyärçene 7 yıl buyı Qoyaşqa taba oçaçaq
1079578
NASAnıñ Parker mäğ’lümat tuplaw iyärçene - keşe tarafınnan yasalğan cisemnär arasında Qoyaşqa iñ nıq yaqınayğanı. Ul ğalämgä 12nçe avgustta oçırılğan ide. İyärçen yulçılığınıñ 78nçe könendä Qoyaşqa 42,7 million kilometrğa yaqınaydı. 1976nçı yılda Germaniya belän AQŞnıñ urtaq Gelios 2 ğaläm ciseme belän Qoyaş arasında 42,8 million kilometr qaldı. Parker älege rekordnı uzdı. Anıñ ğalämdä gizep öyränüe 7 yılğa suzılaçaq. Bu waqıt êçendä iyärçenneñ Qoyaş öslegenä 6,16 million kilometrğa yaqınayuı kötelä.
Ğaläm caylanması Qoyaş orbitasında 1 meñ 370 gradus cılılıqqa duçar bulaçaq. İyärçenneñ östenä Qoyaşnıñ radioaktiv täêsirenä çıdıy torğan 12 santimetr qalınlığında cılılıq qalqanı yasalğan.