BMO Soğud Ğaräbstanınnan Qaşıqçınıñ gäwdäsen soradı

Berläşkän Millätlär oyışması Soğud Ğaräbstanın jurnalist Cämal Qaşıqçınıñ üterelüe belän bäyle tikşerüdä xalıqara bäysez belgeçlärne dä  qatnaştırırğa çaqırdı. Bu xaqta oyışmanıñ Keşe xoquqları yuğarı komissarı Mişel’ Baçelet tarafınnan yasalğan belderüdä äytelde. Anda, şulay uq, Soğud wäkillärennän Qaşıqçınıñ cäsädeneñ qayda buluın söyläwläre dä soraldı. Baçelet jurnalistnıñ üterelüen “şaqqattırğıç tupas cinayät’” bularaq bäyäläde.

Komissar fikerençä, tikşerüne säyäsi mänfäğat’lärdän arındıru öçen xalıqara belgeçlärgä dä dälillär häm şahitlärgä tulısınça ireşü mömkinlegen täêmin itü kiräk. Baçelet cinayät’ mediśinası häm gäwdäne yarıp qarawnıñ cinayät’ne açuda möhim buluın assızıqlıy. “Soğud wäkillärne, tağın da kiçektermiçä häm awmaqay cawaplar birmiçä, Qaşıqçınıñ cäsädeneñ qayda ikänen açıqlarğa çaqıram,”-dide ul.