Ukrainada xärbi oçqıç yığılıp töşte

Ukrainanıñ Su-27 xärbi oçqıçı NATO öyränüläre waqıtında yığılıp töşte. Näticädä 2 oçuçınıñ ğomere özelde. Qaza Vinniśa töbägendä bula. Ukraina Ğomum ştabınnan belderelüençä, oçqıç öyränü oçışları yasağan waqıtta hälakätkä oçrıy.

Waqıyğa buyınça tikşerü başlanğan.

Şul uq waqıtta, Ukraina matbuğatında urın alğan qayber xäbärlärdä ğomere özelgän oçuçılarnıñ berseneñ AQŞ watandaşı buluı äytelä.  

Ukrainada NATO äğ’zası illärneñ qatnaşında “Açıq kük yöze” isemle xärbi öyränülär uza. Ul 8nçe oktyabr’dä başlanğan ide, 19ına qadär däwam itüe kötelä. Öyränülärdä Ukraina häm AQŞtan tış, Angliyä, Bel’giyä, Daniyä, Êstoniyä, Gollandiyä, Pol’şa häm Rumıniyä qatnaşa.