Awrupanıñ iñ qart xatın-qızı ülde

Awrupanıñ iñ qart xatın-qızı Djuzeppina Prodjetta 116 yäşendä baqıylıqqa küçte. Ul İtaliyanıñ Florenśiyä töbägendäge ber awılda dön’ya quydı. Prodjetta, şulay uq, 117 yäşendäge  yaponiyäle Çixo Miyakodan soñ, dön’yanıñ iñ qart ikençe keşese ide.

 Djuzeppina Prodjetta 1902nçe yılnıñ 30nçı mayında Sardiniyädäge La Maddalena utrawında tuğan. 1960nçı yıllarda ulı Renato Frau belän Florenśiyädäge awılğa küçenä häm ülgänçe şunda yäşi. Ulı, suğa batuçını qotqarğanda, 39 yäşendä hälaq bula.

Äle may ayında ğına Böyek Britaniyanıñ iñ qart xatın-qızı Bessi Kamm 113 yäşendä dön’ya quyğan ide.