Kanadada qızulıq

Kanadanıñ Kvebek vilayӓtendӓ 29 iyunnӓn bügengӓ qadӓr küzӓtelüçe qızulıq arqasında ülüçelӓr sanı 54kӓ citkӓn.

Montreal xalıq sӓlamӓtlege mödire Dr. Milen Druin Monrealdӓ ğenӓ yaqtı dönyada kitüçelӓr sanınıñ 33 buluın belderep, qalğan 21 ülem oçrağınıñ tirӓ-yaq şӓhӓrlӓrdӓ barlıqqa kilüen açıqladı.

Druin ülüçelӓrneñ 60%ınıñ berüzlӓre genӓ torğan olı yӓştӓgelӓr buluın, bu keşelӓrneñ öylӓrendӓ suıtu cihazı yӓisӓ kondiśionernıñ bulmawın ӓytӓ.

Kvebek vilayӓteneñ Sӓlamӓtlek saqlaw ministrlığınnan yasalğan açıqlawda ayıruça olı yӓştӓgelӓr hӓm xronik xastalıqları buluçılarnıñ binalar êçendӓge êsse hawanıñ cıyıluınnan tiskӓre tӓêsirlӓnüe belderelde.

Kanadadağı Meteorologiya xezmӓtlӓre Kvebekta êsse hawa sörӓnen beterep, hawa şartları 2 köndӓ normallӓşer dip citkerde.