Qıtayda yörtüçesez avtobuslar

Qıtay texnologiyä gigantı Baidu yörtüçesez avtobuslar seriyäsen çığara başladı. Şirkät bu tör avtonom maşinalar yasawçı az sanlı citeşterüçelärdän berse. Avtobuslarda alğa kitkän yörtü sisteması qullanıla. Ul ber’yulı 14 yulçı taşıy ala. Avtobusta yörtüçe urındığı, rul’ häm pedal’lär yuq. Maşina êlektr ênergiyäse belän êşli: 2 säğat’ tok yöklägännän soñ ul 100 kilometr yul ütä ala. Tizlege säğatenä 70 kilometrğa citä. Şirkät bu avtobuslarğa Apolong iseme birde. Alarnı başta Qıtaydağı şähärlärdä genä kürergä mömkin bulaçaq. Oyışma kiläçäktä xalıqara bazarğa da çığarğa uylıy.