Qaçaqlar sӓyӓsӓte protest itelӓ
Ber xatın-qız AQŞnıñ simvolı bulğan Bӓysezlek hӓykӓlenӓ mende
AQŞ ilbaşı Donal’d Trampnıñ qaçaqlar sӓyӓsӓte ildӓ protest itelӓ.
Balalarnıñ ğailӓlӓrennӓn ayırıp alınuına qarşı çıqqan ber xatın-qız N’yu-Yorkta urnaşqan AQŞnıñ simvolı 93 metrlık Bӓysezlek hӓykӓlenӓ menep, protestın belderde.
Poliśiya xatın-qıznı ozaq waqıt ügetlӓgӓnnӓn soñ töşerӓ aldı.
Ayıruça Trampnıñ qaçaqlar sӓyӓsӓten tӓnqit’lӓwçe ber törkem protestçı hӓykӓlgӓ qaçaqlar poliśiyase ICEnıñ yabıluın talӓp itüçe plakat êlep quydı.
Poliśiya plakat êlgӓn 7 keşene hӓm hӓykӓlgӓ mengӓn xatın-qıznı qulğa aldı.
4 iyul’ Bӓysezlek bӓyrӓme uñayınnan cirle hӓm çit il turistları küp kilgӓn Bӓysezlek hӓykӓle ӓlege çığışlardan soñ yabıldı.
Kilüçelӓr utrawdan êvakuaśiyalӓnde.
Kaliforniya ştatına bӓyle San Franśisko şӓhӓrendӓ dӓ Qaçaqlar hӓm tamüğaxanӓ ofisı yanına barğan ike yöz tirӓse keşelek törkem AQŞ citӓkçelegeneñ qaçaqlar sӓyӓsӓten protest itü maqsatı belӓn bina aldında çatır qordı.
