Awrupa Berlege häm BMOnıñ saylaw belderüe

Awrupa Berlege 24nçe iyün’dä İlbaşı häm 27nçe çaqırılış xalıq ışanıçlısı saylawında qatnaşu külämeneñ yuğarı buluınıñ törek xalqınıñ demokratiyağa bulğan köçle bağlanışların bilgele itüen belderde.

Awrupa Berlege tışqı êşlär häm iminlek säyäsäte yuğarı wäkile Federika Mogerini häm Awrupa Berlege komissiyasınıñ kiñäyüdän cawaplı äğzase Yohannes Han Törkiyädä 24nçe iyün’dä ütkärelgän saylaw belän bäyle bularaq yazma belderü yasadı.

Mogerini häm Han urtaq belderüendä: "İlbaşı häm xalıq ışanıçlısı saylawında bik yuğarı qatnaşu tormışqa aştı. Küp sanda namzät häm partiya saylawda yarıştı. Bu törek xalqınıñ demokratik barışqa häm grajdan (sivil) xoquqlarğa, xoquqnıñ östenlegenä häm töp xörriyätlärgä bulğan köçle bağlanışın kürsätä”, - dip äytte.

Belderüdä Awrupa iminlek häm xezmättäşlek oyışması saylaw küzätü missiyasınıñ saylawçınıñ tawış birü xoquqın awırlıq kürmiçä qullanuın belderüenä basım yasaldı.

"Däwlät başlığı häm parlament belän urtaq problemalarnı xäl itü öçen bergä êşlärgä däwam itäçäkbez”, - dip assızıqlanğan belderüdä Törkiyädä yaña İlbaşı (prezidentlıq) sistemasınıñ başlayaçağına iğ’tibar yünältelde.

Awrupa Şurası Ğomum särkätibe Turb’yorn Yagland, täbrik xatın cibärep, İlbaşı Räcäp Tayyip Ärdoğannı saylaw ciñüe uñayınnan qotladı.

Berläşkän Millätlär Oyışması ğomum särkätibe süzçese Farhan Haq BMO Ğomum särkätibe Antonio Guterresnıñ, Törkiyädäge ilbaşı häm parlament saylawın küzätep baruın belderep, ğomum särkätipneñ Törkiyä belän küp törle mäs’älälärdä xezmättäşlekne däwam itterüne dürt küz belän kötüen citkerde.