AQŞ Tön’yaq Koreyağa tabutlar cibärä

Amerika Quşma Ştatları 1950-1953nçe yıllardağı Koreya suğışı waqıtında ülgän amerikalı xärbilärneñ qaldıqların quyu öçen Tön’yaq Koreya çigenä tabutlar cibärde.

Alar Kön’yaq häm Tön’yaq Koreya çigendäge “utnı tuqtatu awılı” dip isemlängän Pan’mın’çjoneğa kiterelde. Waqıtlıça tabutlar xärbilärneñ cäsäd qaldıqların xörmät belän taşu öçen berniçä kön êçendä Tön’yaq Koreya yağına cibäreläçäk. AQŞ barlığı 215 şundıy tabut kitertterergä uylıy.

AQŞ ilbaşı Donal’d Tramp belän Tön’yaq Koreya däwlät başlığı Kim Çen-ın arasında bu ay Singapurda uzğan sammitta koreya suğışında ülgän amerikalı xärbilärneñ qaldıqların tuğan tufraqlarına qaytaru turında kileşende.