Franśiyädä poliśiyä xezmätkärläre mitinğı

Franśiyädä ilbaşı Êmmanuêl’ Makronnıñ säyäsätenä qarşı uramğa çığuçılarğa poliśiyä xezmätkärläre dä quşıldı. 100dän artıq iminlek saqlawçı Parijnıñ ber poliśiyä bülege qarşında cıyılıp rizasızlıq çarası ütkärde. Alar ilbaşı Makron häm xökümätneñ säyäsäten tänqıyt’läde, êş şartlarının awırlığı häm matdi problemalar yözennän “citte” dip äyterlek noqtağa kilülären söyläde. Poliśiya xezmätkärläre êş säğat’läreneñ küplelegennän häm soñğı minutta kilep çığuçı çaralarnıñ tuydıruınnan zarlandı. Êştä bik küp waqıt ütkärep, ğailägä häm şäxsi tormışlarına iğ’tibar birä almawların belderdelär.

Qurqınıçsızlıq xezmäte öçen yaña êş urınnarı açunı taläp itüçe 3 protestoçı yoqı kiyemnäre kiyep bina qarşına quyılğan karawatqa yattı.

Franśiyada törle tarmaqlarda êşläwçelär Makronnıñ häm xökümätneñ qararlarına qarşı 3 aydır rizasızlıq çaraları ütkärä.