AQŞta İzrail’gä boykot beldergän şirkätlärne qısalar

AQŞnıñ Luiziana ştatında İzrail’gä boykot beldergän şirkätlärgä däwlät dairälärendä êş birüne tıyğan qarar raslandı. Anı gubernator Djon Bel Edvards imzaladı. Qarar, ayıruça, İzrail’neñ Fälästindäge qanlı cinayät’lärenä böten dön’ya külämendä qarşılıq kürsätergä häm boykot iğ’lan itärgä çaqırğan BDS xäräkäten maqsat itep ala. Dokumentta äytelgänçä, däwlät zakazı buyınça êş aluçı şirkätlär İzrail’gä boykot beldergän ber çarada da qatnaşmawları häm tözelgän kileşü waqıtında da qatnaşmayaçaqları turında şartnamä imzalayaçaq. Gubernator Edvards qarar belän bäyle mondıy belderü yasadı: “İzrail’ AQŞnıñ Yaqın Könçığıştağı iñ zur berlektäşe häm töbäktäge berdänber demokratik ölkä. İzrail’ belän ütkännärgä tayanuçı duslığıbız AQŞqa da, ştatıbızğa da küpsanlı fayda kiterde. İzrail’gä boykot belderü bu duslığıbızğa zarar birergä mataşu”.

AQŞnıñ 25 ştatı İzrail’gä boykot belderüne tıydı. Alar arasında Mêrilend, Arizona, Tön’yaq Karolina, Pensil’vaniya, N’yu Djersi häm Ogayo şikelle zur ştatlar bar.