Tön’yaq Koreya açıqlaw yasadı

Tön’yaq Koreya AQŞ ilbaşı Donal’d Trampnıñ 12 iyun’ könne oyıştırıluı planlanğan oçraşunı ğamӓldӓ çığaruınıñ “kötelmӓgӓn hӓm borçuğa saluçı” buluın belderde.

Tramp kiçӓ Tön’yaq Koreya liderı Kim Çjen İnğa cibӓrgӓn xatta 12 iyun’ könne Singapurda uzuı planlanğan oçraşunı ğamӓldӓn çığaruın yazğan ide.

Trampnıñ qararına Tön’yaq Koreyadan berençe açıqlawnı tışqı êşlӓr ministrı urınbasarı Kim Kye Gwan yasadı.

Gwan Trampnıñ tırışlıqların tӓqdir itüçe reakśiya kürsӓtep tübӓndӓgelӓrne citkerde: “İlbaşı Donal’d Trampnıñ qalğan AQŞ ilbaşları qabul itӓ almağan qıyu qarar aluın hӓm bu qadӓr möhim waqiğa öçen tırışlıq quyuın tӓqdir ittek. Tramp formulası dip ataluçı nӓrsӓneñ ike tarafnıñ da borçuların beterӓ alacağın hӓm tarafıbıznıñ ixtıyacların qanӓğat’lӓnderçӓgen, mӓs’ӓlӓne çişӓr öçn möhim tӓêsireneñ bulacağın ömet itӓ idek.”

Kim Kye Gwan Tön’yaq Koreyaneñ Vaşington belӓn problemalarnı çişӓrgӓ haman da telӓwen belderep: “Trampnıñ oçraşunı ğamӓldӓn çığaruğa qarağan qararın kinӓt kenӓ hӓm ber taraflı açıqlawı bezneñ öçen kötelmӓgӓn nӓrsӓ hӓm moña borçıldıq,” – dide.

Oçraşu qararı Tön’yaq Koreyaneñ Koreya yarımutrawınıñ atom-töş qorallardan arındırıluına bӓylelegen açıqlawınnan soñ qabul itelgӓn ide.

Tön’yaq Koreya kiçӓ atom-töş sınap qaraw mӓydanın şartlatqıçlar belӓn yuqqa çığara başlağan ide.