Tarixi oçraşu kiçegä

Amerika Quşma Ştatları ilbaşı Donal’d Tramp belän Tön’yaq Koreya liderı Kim Yong-unnıň 12 iyun’ könne Singapurda ütkärüläre küzdä totılğan söyläşü kiçegergä mömkin.

Tramp Kön’yaq Koreya däwlät başlığı Mun Çjê-in belän Aq Yortta ütkärgän söyläşü aldınnan Oval’ ofista jurnalistlarnıň sorawlarına cawap birde.

12 iyun’ könne Singapurda uzuı kötelgän tarixi oçraşu aldınnan AQŞ belän Tön’yaq Koreya häm Kön’yaq Koreya arasında barlıqqa kilgän qıyınlıqlar belän bäyle sorawğa Tramp oçraşu mäs’äläsendäge êşçänleklärneň däwam itüen citkerde.

Tön’yaq Koreya liderı Kimnıň Qıtayğa yasağan ikençe säfärennän soň atom-töş kileşügä qarata totışınıň üzgärüen äytkän Tramp: “Monı oşatmadım. Qıtay ilbaşı Şi belän yaxşı mönäsäbätlärebez bar, berkemne dä ğayeplämim, läkin ikençe söyläşülärennän soň Kim Jong-unnıň totışında üzgäreş kürdek,” – dide.

Oçraşunıň çınğa aşıp aşmayacağı belän bäyle bularaq Tramp tübändägeçä citkerde: “Närsälärneň bulacağın kürerbez. Ul könne çınğa aşmasa, bälki soňraq bulır.”

Donal’d Tramp oçraşunıň uzıp uzmayaçağı häm qaysı könne çınğa aşacağı belän bäyle açıqlawnı ozaqlamıy yasayaçağın belderde.