Nigeriyada urlanğan balalar

Könbatış Afrika däwläte Nigeriyada soñğı 4 ayda 100dän artıq bala Awrupağa iltü wäğ’däse belän Liviyağa urlandı. Bu xaqta Nigeriya xäbär agentlığı belderä. Urlanğan balalarnıñ yazmışı bilgesez. Nigeriya keşe urlaw häm qanunsız migraśiya koordinatorı Godvin Obaseki ğailälärne iğ’tibarlı bulırğa çaqırdı. “Monnan soñ Awrupağa iltergä täq’dim yasawçılar bulsa, kiçekmästän poliśiyağa xäbär itegez. Çönki alar sezne barı tik Saxara çüle häm Urta diñgezgä qadär alıp bara. Näticädä Liviyada utırıp qalasız,”-dide Obaseki. Ul qanunsız säfärdä meñlägän keşeneñ ğomere özelüen assızıqladı.

Xisaplarğa qarağanda, soñğı 6 ayda yaqınça 3 meñ 400 nigeriyalı üz teläge belän Liviyadan ilenä kire qayttı.  Awrupağa kitü öçen Liviya arqılı Saxara çüle häm Urta diñgezne kiçergä mataşqan qaçaqlarnıñ qayberläre keşe urlawçılarnıñ qulına êlägä, çüldä yäisä diñgezdä ülä.