BMOda Fälästingä bağışlanğan maxsus utırış

Berläşkän Millätlär oyışması keşe xoquqları yuğarı komissarı Zäyd Raad Äl Xüseyn İzrail’neñ Gazzä çigendä fälästinlelärne üterüen tikşerü öçen xalıqara bäysez häm tarafsız soraştıru ütkärergä çaqırdı. Ul oyışmanıñ Fälästin cirlärendä naçarayğan keşe xoquqları  wäzğıyätenä bağışlanğan maxsus utırışında çığış yasadı.  “Gazzädä yäşäwçe 1,9 million keşeneñ barısı qoymalar artındağı zindanda. Alğa barğan sayın tağın da zurraq qısular häm yuqsıllıq êçendä yäşärgä xökem itelälär,”- dide komissar.

Xüseyn İzrail’neñ fälästinlelärne daimi räweştä keşe xoquqlarınnan mäxrüm itüen assızıqladı.  

“İzrail’ xalıqara xoquqqa kürä basıp aluçı köç bularaq Gazzä xalqın saqlarğa häm mullılığın, üseşen täêmin itärgä tiyeş. Ämma bu xalıq tuğannan başlap ülgänçe törmädä yäşi,”-dip belderde ul.  Komissar düşämbe kön Gazzä çigendäge ütereşne tikşerergä häm cawaplılıqqa tartırğa çaqırdı.

Keşe xoquqları şurasınıñ maxsus utırışı buğen tamamlandı. Şura M’yanmadağı arakanlı möselmannarnıñ xälen tikşerü öçen soñğı tapqır 2017nçe yılnıñ 5nçe dekabrendä cıyılğan ide.