Hindstanda tuzan dawılı häm yäşen suğular

Hindstannıñ tön’yağındağı köçle tuzan dawılında 77 keşeneñ ğomere özelde. Monnan tış 143 keşe yaralandı. Dawıl tön buyı däwam itkän. Ayıruça, Pradeş häm Radjastan rayonnarı zıyan kürgän. İñ zur zarar isä Tac Maxal häykäle bulğan Agra rayonına kilgän. Dawıl divarlarnı cimergän, ağaçlarnı qubarğan. Cirle wäkillär üle häm yaralılar sanının artacağın borçılıp farazlıy.

Şul uq waqıtta Hindstannıñ könçığışında soñğı 2 köndä yäşen suğıp 20 keşe ülde. Cirle mäğ’lümat çaralarındağı xäbärlärgä kürä,  meteorologlar Könbatış Bengal häm Andra Pradeş rayonnarında kimendä 41 meñ yäşen töşüen beldergän. Belgeşlär bu xälneñ hawa torışındağı kisken üzgäreşlär, köçle yañğır häm cil näticäsendä barlıqqa kilüen söyli. Andra Pradeşta uzğan atnada da 9 keşe yäşen suğıp ülgän ide. Hindstanda  köçle musson yañğırları waqıtında yäşen suğular yış bula. Yıl sayın anıñ näticäsendä yaqınça 2 meñ keşeneñ ğomere özelä.