Soğud Ğaräbstanı ğaskäri cibärergä äzer
Bu turıda Soğud Ğaräbstanı tışqı êşlär ministrı Adil Cubäyr
Soğud Ğaräbstanı tışqı êşlär ministrı Adil Cubäyr täqdim kilgän oçraqta kiň qırlı koaliŝiya qısalarında Süriyägä ğaskäri cibärergä äzer buluların äytte.
Başqala Riyadta BMO ğomüm särqätibe Antonio Guterresnı qabul itkän häm matbuğat oçraşuı oyıştırğan Cubäyr: “Terrorçılıq belan köräş İslami xärbi koaliŝiyasennän Süriyägä ğaskäri cibärüne söyläşäbez,” – dide.
“Uol strit jornal” gazetı da Süriyädän çigelergä telägän AQŞ ilbaşı Donal’d Trampnıň Süriyäneň tön’yaq könçığışındağı Amerikan ğaskäriläre urınına Misır, Soğud Ğaräbstanı, Berläşkän Ğaräp Ämerlekläre häm Qatar ğaskäriläreneň urnaştırıluı öçen söyläşülär alıp baruın yazdı.
AQŞ, Angliya, Franŝiya şimbä könne Süriyä xökümätenä qarata raketa höcüme oyıştıruınnan soň Ğaräp Ligası oçraşuı uzdırılğan ide.
Cubäyr Ğaräp Ligasınıň Süriyä xökümäteneň ximik qoral qullanuın ğayepläwen citkergän ide.
