Süriyä rejimına höcüm

Süriyäneñ Xumus şähärenä raketa höcümen İzrail’ hawa köçläreneñ ike F-15 oçqıçı yasağan. Bu xaqta Rusiyä çığanaqları xäbär itä. Xumustağı T4 hawa bazasına 8 raketa cibärelgän häm monıñ öçen Livan hawa kiñlekläre qullanılğan. Raketanıñ 5sen Süriyä hawa sisteması yuqqa çığarğan. Bäşşar Äsäd rejimı qayber hawa bazalarına çit köçlär tarafınnan höcüm buluın beldergän ide. Rejimnıñ mäğ’lümat agentlığı SANA Xumusta ülüçelär häm yaralılar buluyın xäbär itte. Süriyä keşe xoquqları küzätü yortı isä höcümdä hälaq bulğan 14 keşeneñ kübese iranlı ikänen belderde. Rejim çığanaqları Xumustağı Şayrat bazasına da yañadan höcüm itülären söyläde.