Tön’yaq Koreyadan Qıtayğa poyızd
Tön’yaq Koreya liderı Kim Çennıñ Qıtayğa kitüe turında farazlar
Yuğarı däräcädä iminlek çaraları kürelgän Tön’yaq Koreya poyızdınıñ Qıtay başqalası Pekinğa kitüe turında xäbärlär çıqqan ide. Xäzer ul poyızdda ilneñ liderı Kim Çen bulırğa mömkin dip farazlıylar. Mäg’lümat çaraları vagonnarnıñ moñarçı kürelmägän şäkeldä saqlanuın söyli. Poyızdda yuğarı däräcädäge delegaśiya buluı bilgele. Kön’yaq Koreya Tışqı êşlär ministrlığınnan ber wäkil: “Xökümätebez bu xäbärlärneñ çınlığın häm wäzğıyät’ne tulısınça açıqlarğa tırışa”, - dide. Qıtay tarafı bu mäs’älä belän bäyle mäğ’lümat birmäde.
Qayber çığanaqlar monı Kim Çennıñ duslaşu, dön’yağa açılu teläge artuı bularaq farazladı. “Tön’yaq Koreya tışqı mönäsäbätlär qısalarında, Kön’yaq Koreya häm AQŞ artınnan, Qıtay häm Rusiyä belän aralaşa başlarğa mömkin,”-dilär.
Kim Çennıñ aprel’ ayında Kön’yaq Koreya ilbaşı Mun Çjê, mayda AQŞ prezidentı Donal’d Tramp belän oçraşuı planlaştırıla.
Bäyläneşle xäbärlär
Mäskäwdä dawıl: ülüçelär bar
Rusiyä başqalası Mäskäwdä täêsirle bulğan dawılda 2 keşeneñ ğomere özelgän, 10 keşe dä yaralanğan