Avstraliyada 150 kit yarğa atıldı
Qotqaruçılar kilgändä yardağı xaywannarnıñ yartısı ülgän bulğan
936296
Avstraliyada 150 kit yarğa atıldı. Bu xaqta Xamelin qultığında awlanğan balıqçı qotqaruçılarğa xäbär itkän. Alar kilgändä yardağı xaywannarnıñ yartısı ülgän bulğan. Qotqaruçılar qalğannarın kire suğa kertergä tırışa. Alarğa küp kenä teläktäşlär yärdäm itä. Kitlarnıñ yarğa atılu säbäbe bilgele tügel.
Şul uq waqıtta, cirle xalıqqa akula höcümnäre kisätüe yasalsı. Alar yar buyındağı üle kitlarnı aşar öçen cıyılırğa mömkin. Küp kenä plyajlarnı qurqınıçsızlıq maqsatınnan yaptılar.
Könbatış Avstraliyada 1996nçı yılda -320, 2009da – 80, 2015tä – 20dän artıq kısqa qanatlı pilot-kit yarğa atıldı. Bu tör balıqlarnıñ ozınlığı 5 yarım metrğa citä. Alar, başlıça, törkem xälendä yäşi.
