Brüssel’dä yort-cirsezlärne qulğa alalar

Bel’giya başqalası Brüssel’dä ber cirle xakimiyät sıyınu urınnarına barmağan yort-cirsezlärne qulğa alu qararı çığardı. Bu temperatura -10 gradustan da tübänäygändä keşelärneñ öşü qurqınıçı belän anlatıla. Xakimiyät qararnıñ öysezlärneñ iminlege öçen qabul itelüen belderä. Ägär hawa torışında üzgäreşlär bulmasa ul 8nçe martqa qadär köçendä qalaçaq. Bel’giya meteorologları ildäge ğadättän tış suıqlar säbäple sörän sala.  Tön’yaqtan kilgän “qotıp hawası” temperaturanı bik nıq töşerä. Könçığış häm tön’yaq-könçığıştan iskân cillär säbäple tönlä häm irtänge säğat’lärdä temperatura -10 gradustan tübänäyäçäk.