Balalarnıñ ğayebe barmı?
Süriyädä uzğan ayda 59 bala bäreleşlärdä üterelgän
BMOnıñ Balalarğa yärdäm fondı YUNİSEF Yaqın Könçığış häm Tön’yaq Afrika töbäge mödire Geert Kappelêr yasağan yazulı açıqlawda Yaqın Könçığış häm Tön’yaq Afrikadağı bäreleşlär häm qırıslıq waqiğalarınıñ ğinwar ayında yuğarı däräcädä balalarnıñ ülemenä säbäpçe buluın citkergän.
Balalarnıñ däwam itüçe bäreleşlärdä, intixar höcümnärendä, salqında häm suğıştan qaçqanda yaqtı dönyadan kitüen beldergän Kappelêr: “Süriyädäge artuçı bäreleşlärdä 59 bala soñğı 4 atnada üterelde,” – digän.
Uzğan ayda Yämändä 16 balanıñ bäreleşlärdä, Liviyada 3 balanıñ intixar höcümnärendä, 3eseneñ isä şartlağan bomba yanında uynağanda ülüen äytkän Geert: “Ğinwar ayında ğına Ğiraq, Liviya, Fälästin, Süriyä häm Yämändä artuçı bäreleşlärdä kim digändä 83 bala üterelde. Livandağı qış şartları Süriyädän qaçıp, ilgä sıyınğan 4 balanıñ uzğan ayda tuñıp, ülüenä säbäpçe buldı häm küp sandağı bala da tuñğan kileş xastaxanägä salındı,” – digän.
Kappelêr Ğiraqnıñ Musul şähärendä uzğan ayda ber balanıñ quldan yasalğan tozaq qorılğan öydä yatqı dönyadan kitüen, Fälästindä dä Ramallah yanındağı awılda ber balanıñ atıp üterelüen beldergän.
