İtaliya viśe-prem’yerınıñ öyenä qaraqlar kergän

İtaliya viśe-prem’yerı häm transport-asqorma ministrı Matteo Sal’vininıñ başqala Rimdağı öyenä qaraqlar kergän. İtaliya matbuğatındağı xäbärlärgä qarağanda, burlar xucalarnıñ öydä bulmawınnan faydalanıp yortnıñ baqçası aşa fatirğa uza. Tik kürşelär iğ’tibarlı bulıp çığa, alar şikle tawışlar işetep poliśiyägä xäbär itä.

Xäbärdä äytelgänçä, qaraqlar üzläre belän êretep yabıştıru cihazı kitergän. Anı öydäge seyfnı açu öçen qullanuları farazlana. Qaraqlarnıñ Matteo Sal’vininıñ fatirınnan närsä urlawı älegä bilgele tügel. Poliśiyä tikşerü alıp bara.