Gondurasta protest çaraları

Urta Amerika ile Gondurasta uzğan atna azağında ütkӓrelgӓn ilbaşı saylawınıñ ğadel uzmawı dӓğwasınnan soñ başlanğan protest çaralarında 3 keşeneñ ğomere özelgӓn.

Meñnӓrçӓ keşe saylawnı protest itӓr öçen uramnarğa ağılğan.

Uramnar suğış alanına ӓylӓngӓn.

Waqiğalarda kibetlӓr talanğan.

300dӓn artıq protestçı qulğa alınğan.

Distӓlӓrçӓ keşe yaralanğan.

Gonduras xökümӓte watandaşlarnı tınıç bulırğa hӓm qararnamӓlӓrgӓ xörmӓt kürsӓtergӓ çaqırğan.

10 köngӓ tönlӓ uramğa çığu tıyılğan.

Waqiğalarnıñ tağın da üsӓçӓgennӓn qurquçı xalıq azıq-tölek depolıy.

Oppoziśiya saylawlarnı qabat ütkӓrergӓ çaqırğan.

Oppoziśiyaçel’ namzӓt Salvador Nasralla APka yasağan açıqlawında: “Gondurastağı krizisnıñ çişelüe maqsatı belӓn ilbaşı saylawınıñ qabat ütkӓrelüen talӓp ittem,” – digӓn.