"Aç qaldıru - cinayät'"

Berläşkän Millätlär Oyışmasınıñ Azıq-tölek xoquqı reporterı Hilal Elver suğış töbäklärendä keşelärneñ bäreleşlärdän tügel, kübräk açlıq häm xastalıqlardan yaqtı dönyadan kitüen belderep: “Azıq-tölek yärdäme häm citeşterüenä belä torıp kirtä quyu cinayätter,” – digän.

Elver BMO üzägendä oyıştırğan matbuğat oçraşuında BMO Ğomüm şurasına täqdim itkän yıllıq xisabı belän bäyle mäğlümat birgän.

Dönyanıñ bıyıl Berläşkän Millätlär Oyışması tarixında iñ zur humanitar fäläkätlär belän oçraşuın citkergän Elver Yämän, Somali, Könyaq Sudan, Nigeriya häm Süriyädä 20 million keşeneñ qıtlıq belän küzgä küz kilüen açıqlağan.

Dönyada 815 million keşeneñ citärsez tuqlanuına häm şaqtıy ilneñ qanuni cawaplılıqların cirenä citkermäwenä iğtibarnı cälep itkän Hilal Elver: “Suğış töbäklärendä açlıq häm xastalıqlar bäreleşlärdän kübräk ülemgä iltä. Azıq-tölek, azıq-tölek yärdäme häm citeşterüenä belä torıp, kirtä quyu cinayät,” – digän.

Tuqlanunıñ barlıq keşelär öçen keşe xoquqı buluın assızıqlağan Elver açlıqnı suğış qoralı bularaq qullanmasqa, qullanuçılarnı isa Xalıqara caza mäxkämäsenä cibärergä çaqırğan.