Çiklӓwlӓrneň waqıtı ozınaytılğan

Awrupa Berlege Qırım hӓm Sevastopol’neň yawlap alınuı arqasında Rusiyӓgӓ qarata qullanğan çiklӓwlӓrneň waqıtın ber yılğa ozınaytqan.

Awrupa Berlege Şurasınnan yasalğan yazulı açıqlawda berlekneň Rusiyӓneň Qırım hӓm Sevastopol’ne qanunsız yawlawı arqasında çiklӓwlӓrneň 2018nçe yılnıň 23nçe iyun’ könenӓ qadӓr ozınaytıluı belderelgӓn.

Moňa kürӓ ozınaytılğan çiklӓwlӓr belӓn Awrupa Berlege watandaşları hӓm şirkӓtlӓreneň Qırım hӓm Sevastopol’ töbӓklӓrendӓge êşçӓnleklӓre çiklӓnderelӓ.

Awrupa Berlegenӓ Qırım hӓm Sevastopol’dan tovar importına röxsӓt birelmi.

Bernindi Awrupa Berlege watandaşı yӓisӓ şirkӓte Qırım hӓm Sevastopol’dan küçmӓs milek ala almıy.

Bu töbӓklӓrdӓge şirkӓtlӓrgӓ finans yӓrdӓm kürsӓtelmi. Awrupanıň turistik yulçı köymӓlӓre Qırım hӓm Sevastopol’dağı portlarğa ğadӓttӓn tış xӓllӓr bulmıyça torıp, tuqtala almıy.

Qırım töbӓgendӓ transport, telekommunikaŝiya hӓm ênergetika tarmaqlarında qullanılaçaq qayber mal-mölkӓt hӓm texnologiyalar êksportlana alınmıy. Ayıruça neft’, tabiği gaz hӓm taw sӓnӓgӓtenӓ qarağan texnologiyaneň tӓêmin itelüe qomaçawlana.