Tramp älegä waz kiçkän

Amerika Quşma Ştatları däwlät başlığı Donal’d Tramp İzraildä Tel Avivdağı tulı wäqalätle ilçelekne Qudüs-Yerusalimgä küçerüdän xäzergä waz kiçkän.

Tramp ilçelekneñ Tel Avivda qaluı öçen dokumentnı imzalağan, fäqat monıñ ğamäldän çığaru tügel, ä barı tik kiçekterü buluına basım yasağan.

Aq Yort nigeznamä bularaq milli iminlekkä işarät itkän häm ilçelekneñ küçerelüeneñ 6 ayğa tuñdırıluın citkergän.

Tulı wäqalätle ilçelekneñ Tel Avivdan Qudüs-Yerusalimğa küçerelüe Donal’d Trampnıñ saylaw wäğdälärennän berse ide.

Trampnıñ saqlanu ministrlığı, Däwlät departamentı häm küzläw oyışmalarınıñ brifinglarınnan soñ bu qarardan waz kiçüe öyränelgän.

Qarar Fälästin tarafında qanäğat’lek belän qarşı alınğan, İzrail reakśiya kürsätkän.

Berläşkän Millätlär Oyışması isä Tramp qabul itkän qararnıñ aqıllı qarar buluın beldergän.

Amerikan kongressında 1995tä qabul itelgän İlçelek qanunı tulı wäqalätle ilçelekneñ Tel Avivdan Qudüs-Yerusalimğa küçerelüen küzdä tota.

İlçelek urınınıñ üzgärtelüe Amerikan citäkçelegeneñ Qudüs-Yerusalimne İzrail başqalası bularaq tanuın añlatacağı öçen bernindi däwlät başlığı bu qanunnı ğamälgä kertmi.

İzrail 1967dä yawlap alğan Qudüs-Yerusalim xalıqara cämäğat’çelek häm oyışmalar tarafınnan nindi dä bulsa ilgä qarawına bäyä birelmi.

İslamiyätneñ izge urınnarınnan Äl-Aqsa mäçete urnaşqan Könçığış Qudüs-Yerusalim isä Yordaniya häm Misır tikşerüe astında.