"Suğış süzen qullanudan taypılığız"
Vladimir Putin Koreya yarımutrawındağı wazğiyätkä bäyä birgän
!["Suğış süzen qullanudan taypılığız"](http://cdn.trt.net.tr/images/xlarge/rectangle/188c/589b/e574/590212786feec.jpg?time=1719129278)
Rusiyä Federaśiyase däwlät başlığı Vladimir Putin Koreya yarımutrawındağı wazğiyätkä qatnaşı bulğan barlıq illärne suğış süzen qullanudan taypılırğa häm dialog urnaştırırğa çaqırğan.
Rusiyägä säfär yasağan Yaponiya prem’yer-ministrı Şinzo Abe belän Kremldä küreşep söyläşkän Vladimir Putin Koreya yarımutrawındağı wazğiyätneñ citdi räweştä naçarayuın belderep: Mäs’älägä qatnaşı bulğan barlıq illärne suğış süzen äytüdän taypılırğa, tınıç häm qoruçı dialogka çaqıram. Bu bäyläneştä 6 yaqlı söyläşülärneñ qısqa waqıtta başlatıluın urtaq wazifa bularaq küräbez,” – digän.
Rusiyä däwlät başlığı Putin tübändägeçä däwam itkän: “Kuril utrawlarında urtaq iqtisadi häm säwdä êşçänlekläreneñ alıp barıluı öçen östenlekle proyektlarnıñ bilgelänüe mäs’äläsendä kileşü täêmin ittek. Proyektlarnıñ tikşerelüe öçen bu cäy yapon räsmi zatları Kuril utrawlarına säfär yasayaçaq,” – digän.
Yaponiya prem’yerı Abe dä Putin belän Tön’yaq Koreya mäs’äläsen qarawların citkerep: “Yaponiya belän Rusiyä bu mäs’älädä yaqınnan êş başqarunı däwam itteräçäk. Tön’yaq Koreyanı Berläşkän Millätlär Oyışması İminlek Şurası qararın ütärgä häm provokativ ğamällärdän yıraq torırğa çaqırabız,” – digän.
Yaponiya häm berlektäşläre Amerika Quşma Ştatları, Kön’yaq Koreya häm Awstraliya Tön’yaq Koreyanıñ atom-töş êşçänleklären tuqtatır öçen Qıtay belän bergä Rusiyäneñ basımın arttıruın teli.