İslam - dönyada iñ tiz üsüçe din

Amerika Quşma Ştatlarında urnaşqan “P’yu” şirkäte tikşerenüe İslamnıñ dönyada iñ tiz üsüçe din buluın kürsätkän.

Tikşerenügä kürä 2060nçı yılğa qadär dönyadağı möselmannar sanı xristiyannar sanına kilep citäçäk.

2015nçe yılda xristiyannar dönyadağı xalıq sanınıñ 31%ın, möselmannar isä 24%ın täşqil itä ide.

Sannar 2060nçı yılğa qadär möselmannar sanınıñ 3 milliardkacitep, dönyadağı xalıq sanınıñ 31,1%ın täşqil itäçägen kürsätä.

Xristiyannar sanınıñ da 3 milliard 100 millionğa citep, dönyadağı xalıq sanınıñ 31,8%ın täşqil itäçäge çamalana.

Tikşerenüdä dini bağları bulmağan keşelär sanınıñ da 16dan 12%larğa tübänäyäçäge küzdä totıla.

Hindu häm buddistlar sanında da azayu kötelä.

“P’yu” şirkäte 2060nçı yılğa qadär dönyadağı xalıq sanınıñ 9 milliard 600 millionğa citäçägen çamalıy.

Tikşerenü xristiyan xalıq sanınıñ äkren üsüen isä ülem häm tuu külämnäre belän açıqlıy.