Höcümgä reakśiyalär belderelä

Süriyäneñ İdlib şähärendä ximik qoral belän oyıştırılğan höcümgä xalıqara cämäğatçelektän reakśiya belderelä.

Berläşkän Millätlär Oyışması İdlib höcümen xärbi cinayät qısalarında tikşerü qararın alğan.

BMO İminlek şurası da wazğiyätne bäyälär öçen çärşämbe könne ğadättän tış cıyıla.

Amerika Quşma Ştatları, Angliya häm Franśiya höcümne ğayepläwçe häm cawaplılarnıñ tabıluı öçen tikşerüneñ açıluın sorawçı urtaq qarar ölgese äzerläp, cıyılış aldınnan Şura äğzalärenä taratqan.

BMO ğomüm särqätibe Antonio Guterres ximik höcümnän borçu toyuın belderepi Ximik qorallarnıñ tıyıluı oyışmasınıñ İdlibtäge höcüm belän bäyle bularaq mäğlümat cıya başlawın citkergän.

BMOnıñ Süriyä maxsus wäkile Staffan de Mistura da Awrupa Berlegeneñ Tışqı mönäsäbätlär yuğarı wäkile Federika Mogherini belän matbuğat belderüen yasağan.

Mistura “qurqınıç” itep raswirlağan höcümneñ xärbi cinayätlärneñ iñ awırı buluın äytep: “Kem cawaplı, cäzağa tartılırğa tiyeş,” – digän.

Angliya premyer-ministrı Tereza Mêy Äsäd rejimınıñ ximik qoral qullanuı xäbärläreneñ üzen dähşätkä töşerüen beldergän.

Franśiya ilbaşı idaräsennän yasalğan açıqlawda höcüm belän bäyle bularaq Äsäd rejimı ğayeplängän.

AQŞ däwlät başlığı Donal’d Tramp Bäşar Äsäd rejimınıñ bu xain ğamälläreneñ aldağı Obama citäkçelegeneñ zäğiflege häm täwäkkälsezlegeneñ näticäse buluın citkergän.

Ğaräp Ligası häm İslam Xezmättäşlek oyışması da Süriyädäge höcümne ğayepläp, xalıqara cämäğatçelekne ğayeplänüçelärneñ cäzağa tartıluı öçen wazifağa çaqırğan.