Êfiopiyada 3 könlek matäm
Cir şuışuında ülüçelär sanınıñ 72gä citüe açıqlanğan
Êfiopiya başqalası Addis Ababadağı çüplek alanında barlıqqa kilgän cir şuışuında yaqtı dönyadan kitüçelär öçen 3 könlek milli matäm iğlan itelgän.
Êfiopiyadağı Xalıq wäkilläre Parlamentınnan yasalğan yazulı açıqlawda milli matäm qısalarında çärşämbe könennän başlap ildä häm çit illärdäge tulı wäqalätle ilçeleklärdä bayraqlarnıñ yartılaş töşereläçäge belderelgän.
Şul arada räsmi zatlar cir şuışuında ülüçelär sanınıñ 72gä citüen açıqlağan. Xäzergä qadär çüp öyeme astınnan isän-imin çığuçı bulmağan.
Başqalanıñ Koşe töbägendä 11nçe mart tönendä cir şuışuı häm çüplärneñ kilep töşüe näticäsendä şaqtıy öy cimerelgän, distälärçä keşeneñ çüp öyeme astında qalğan ide.
Bäyläneşle xäbärlär
Mäskäwdä dawıl: ülüçelär bar
Rusiyä başqalası Mäskäwdä täêsirle bulğan dawılda 2 keşeneñ ğomere özelgän, 10 keşe dä yaralanğan
