Musulda hawa mäydanı operaśiyäse

Ğiraq iminlek köçläre “DEAŞ” terror oyışması qulında bulğan, Musul şähär üzägeneñ könbatışında urnaşqan xalıqara hawa mäydanın kire alu öçen operaśiya başlatqan.  

Bu xaqta Ğiraq saqlanu ministrlığına bäyle xärbi media çeltäre beldergän.

Belderüdä Ğiraq hawa köçlärenä bäyle xärbi oçqıçlarnıñ da operaśiyägä yaqlaw kürsätüe citkerelgän.

Ğiraq prem’yer-ministrı Xäydär äl-İbadi yäkşämbe könne Musulnıñ könbatış öleşen “DEAŞ”tan alu öçen operaśiya başlatıluın citkergän ide.

Xärbi çığanaqlar älege operaśiyädä 3 fronttan yaqınça 60 meñ Ğiraq ğaskäreneñ qatnaşuın belderä.