Kön’yaq Sudanda qıtlıq
5 million keşe açlıqtan ülü qurqınıçı belän oçraşa ala
![Kön’yaq Sudanda qıtlıq](http://cdn.trt.net.tr/images/xlarge/rectangle/9e10/800c/6216/58aaf3c1122c9.jpg?time=1719032063)
Kön’yaq Sudan xökümäte häm Berläşkän Millätlär Oyışmasına bäyle 3 yärdäm oyışması Kön’yaq Sudannıñ qayber töbäklärendä suğış arqasında qıtlıq fäläkäteneñ küzätelüen citkergän.
Moña kürä 100 meñ keşe qıtlıqtan zıyan kürä häm çara kürelmägän oçraqta 5 million keşe açlıqtan ülü qurqınıçı belän oçraşaçaq.
BMOğa bäyle 3 oyışma: Bötendönya azıq-tölek programması, BMOnıñ Balalarğa yärdäm kürsätü fondı YUNİSEF belän Azıq-tölek häm igençelek oyışması yasağan urtaq açıqlawda: “Räsmi qıtlıq açıqlawı keşelärneñ küptännän açlıqtan ülä başlawın añlata. 3 yıl êlek suğış başlanğannan soñ iñ naçar açlıq fäläkäteder bu,” – digän.
YUNİSEF Kön’yaq Sudan başlığı Djeremi Hopkins ta 250 meñnän artıq balanıñ citärsez tuqlanuına işarät itep: “Ägär dä bu balalarğa aşığıç yärdäm ireşterä almasaq, kübese üläçäk,” – digän.
Monnan alda Yämän, Somali häm Nigeriyaneñ tön’yaq könçığışı öçen qıtlıq iskärtüe yasalsa da, dönyada 6 yıldan soñ berençe tapqır ber töbäktä räsmi bularaq qıtlıq iğlan itelgän.
Qıtlıq säbäpläre arasında suğış arqasında azayğan igençelek citeşterüe häm mal-tuarnıñ azayuı urın ala.
Suğış arqasında ildä un meñnärçä keşe yaqtı dönyadan kitkän, 3 millionnan artığı da yortların taşlap kitärgä mäcbür qalğan.
Bäyläneşle xäbärlär
![Mäskäwdä dawıl: ülüçelär bar](http://cdn.trt.net.tr/images/medium/rectangle/705c/6c00/08d0/6675487fd5421.jpg?time=1719032064)
Mäskäwdä dawıl: ülüçelär bar
Rusiyä başqalası Mäskäwdä täêsirle bulğan dawılda 2 keşeneñ ğomere özelgän, 10 keşe dä yaralanğan